قافلــــه بار ائ کنه دلــــــم وه بارس             

چي بارئ سر دلــــم گرت و غوارس

قافله بار ائ کنـــه زه شا خراســــو      

دلـم چي چاله تشي منده وه جاسو

تش سئري وه دلــــم زئدي و رهدي

مر ودي بي سي تشئ ويدي و رهدي

زه گتند تا دشــــــت اؤ بيد تا عقيلي

همـــه جا سؤز اويده سؤزه قصــــيلي

همه جا سؤز اويده غير زه دل مــــــهُ

ا ي گــره نه کي گُشه زه مشکل مه

زه گتند زدوم وه در تا شيخ سلــيمو    

تا قيامت يادمــــه او عهد و پيـــــمو

زه گتند زدم وه در تا پـــــــــل پرزين 

پره لام گل باوينــــه پره دلــــم خين

زه گتند زيــدوم وه در دينداته گردم  

تهُ گــــــــل سُر مني  مه خار زردم

آسمـــو اؤرئ گره زه قيــــــل سياتر  

شؤ و روز تي ره تنــــم وا ائ تيا تر

بخت تو چي رخت ته سؤزه قصيلي

بــخت مه چي رخت مه سيا و نيلي

وا کتــــوه حافظــــم گردمـــــه فالئ

دشمنت بينــا چه فالـي و چه حالي